Church guide

29 nye område er skriven inn på verdsarvlista!

I dag markerer vi 40 år på verdsarvlista, at Fortidsminneforeningen er 175 år, og at det er 200 år sidan nasjonalromantikken i kunsten fann si from i Munthehuset. På klyngjetunet på Ornes var det offisiell markering. Varaordførar og leiar i verdsarvrådet, Marit Aakre Tennø, ønskja velkomen. Så var det klart for avduking av verdsarvplakett ved Klima- og miljøminister Ola Elvestuen. Leiar av den Norske UNESCO- kommisjonen Tora Aasland, Riksantikvar Hanna Geiran og fylkesordførar Jenny Følling gav oss gode og tankevekkande helsingar. Mathilde Skjæret sat ei fin ramme for markeringa, med vakkert hardingfelespel. Etter markeringa, gav styreleiar i Fortidsminneforeninga Margrethe C. Stang. ein presentasjon av ny kunnskap om kyrkja. Takk til alle som har bidrege til markeringa på Ornes. Takk også til Urnes gard og Hjortefarm for utmerka mat og drikke!

Takk til Marit Bøen for den uvurderlege innsatsen for Urnes stavkyrkje dei siste 40 åra!

I dag har det vore ryddedag på Ornes, med påfølgende grillmat. Godt selskap i strålande vêr

Tanken på verdsarvsenter på Ornes vert stadig mindre abstrakt: I dag var ei gruppe på ti deltakarar frå lokalsamfunn og forvaltning, samla i Solvorn for å delta på ein worshop om tomteval og romprogram i regi av arkitektkontoret 4B. Senteret skal bli eit viktig nav i formidling og forvaltning av det historiske landskapet, verdsarven og verdsarvverdiane, for ei jamnare fordeling av fotavtrykk i området i eit langsiktig og ansvarleg perspektiv. Det skal også være eit positivt bidrag til lokalsamfunnet; ein møtestad og arena for aktivitet og skaparglede.

Me arbeider med å utarbeide ein buffersoneplan for Urnes stavkyrkje. Tysdag 14.05 var me samla i Gaupne for å finne verdsarven sine tilsluttande verdiar: ein utfordrande, givande og lang prosess. Urnes og området rundt sit på enorme materielle, immaterielle og landskapsmessige verdiar, og arbeidet er ei hard øving i avgrensingskunst. Møtet vart avslutta med å takke Melissa Rudi frå Fortidsminneforeninga for hennar innsats og bidrag til dette arbeidet, og verdsarvarbeidet generelt. Ho vil verte sakna, når ho no går vidare til nye utfordringar. Takk, og lukke til!

Stemningsrapport frå synfaring med riksantikvaren og fylkeskommunen. Me arbeider med forvaltningsplan og buffersoneplan, og dagens kontorplass slår det meste.

Gode nyhende! Urnes stavkykje har fått ny dagleg leiar: Velkomen til Ingebjørg!

På denne sida vil de få oppdateringar, og informasjon om den rike kulturarven i Luster, og om jubilea, arrangementa og markeringane som finn stad rundt Lustrafjorden i juni -

I prestegarden i Luster, hos Dagfinn Hovland, har me i dag vore samla for å planlegge dei mange jubilea, og hendingane, som finn stad i Luster sin rike kulturarv i juni. Her representert ved leiar i verdarvrådet Marit Aakre Tennø, og Per Jørgen Loen, frå stiftinga Munthehuset

Om ornamentikken i Urnes stavkyrkje: https://gemini.no/2019/03/hva-betyr-dyrene-i-stavkirkeornamentikken/

Generalsekretær i Fortidsminneforeningen, Ola Fjeldheim, informerer om arbeidet med å etablere verdsarvsenter på Ornes, i formannskapet i Luster kommune

Nye region Vestland vil romme heile tre verdsarvar, deriblant Urnes stavkyrkje og World Heritage Bryggen som er dei to første norske innskrivingane på verdsarvlista

I går var det møte om verdsarvarbeid i Kroken, der det vart diskuter kva utfordringar Verdsarvrådet bør ta tak i, og informert om kva prosessar som er i gang. Ved sidan av planlegging og etablering av verdsarvsenter på Ornes, og utarbeiding av buffersoneplan, er Verdsarvrådet er i gang med å utforme handlingsplan for verdsarven og dei tilhøyrande områda. Dei mange som møtte opp, gav gode innspel til denne. Det viktigaste vernet me har for verdsarven vår, er eit levande lokalsamfunn. Me takkar alle som kom for eit godt møte!